Reuters’ning xabar berishicha, sudga da’vo arizasi Garvard o‘qituvchilari va AQSh universitet professorlari assotsiatsiyasi (AAUP) tomonidan berilgan. Da’vo arizasiga ko‘ra, Tramp ma’muriyati siyosiy qarashlarini oliygohga majburan qabul qildirishga urinmoqda va “moliyalashtirishdan mahrum etish” tahdidini bosim vositasi sifatida qo‘llamoqda.

“Garvardga davlat grantlari va shartnomalar ko‘rinishida taqdim etilgan taxminan 9 mlrd dollar mablag‘ qanday sarflanayotganini o‘rganish uchun bir vaqtda uchta idora — Ta’lim vazirligi, Sog‘liqni saqlash vazirligi va AQSh Bosh xizmatlar boshqarmasi tekshiruv boshlagan”, – deb yozmoqda agentlik.

31-mart kuni Vashingtondan Garvard yuborilgan rasmiy xatda davlat qo‘llab-quvvatlovini saqlab qolish uchun amalga oshirilishi shart bo‘lgan bir qator talablar ko‘rsatilgan. Ular orasida — namoyishlarda niqob taqishni taqiqlash, inklyuziv dasturlarini qisqartirish va huquqni muhofaza qiluvchi organlar bilan hamkorlik qilish talablari bor. Biroq Garvard o‘qituvchilari buni universitet siyosatini buzish va so‘z erkinligiga to‘g‘ridan to‘g‘ri aralashish deya baholamoqda.

Shuningdek, AQSh Ta’lim vazirligi qoshidagi antisemitizmga qarshi bo‘limi Garvard universitetiga ajratilgan 2,2 mlrd dollarlik grantlarni muzlatdi. Bu qaror yahudiy talabalarni himoya qilish talablari va aksilisroil namoyishlar fonida qabul qilingan.

• AQSh
• Sud
• Tramp
• Universitet