Buxoro viloyati Gʻijduvon tumanida 2021-yilning 30-dekabr kuni mast erkak o‘z o‘g‘lini pichoqlab o‘ldirdi. Bu haqda viloyat Ichki ishlar boshqarmasi axborot xizmati ma’lum qildi.

Xabarda aytilishicha, shu kuni soat 18:30da Denov mahallasida yashovchi, 1980-yilda tug‘ilgan S.Z. mast holatda uyida 2004-yilda tug‘ilgan o‘z o‘g‘li U.N. bilan janjallashib qolib, jahlini jilovlay olmay, o‘g‘lining qorin sohasiga oshxona pichog‘i bilan og‘ir tan jarohati yetkazgan.

Oqibatda U.N. ko‘rsatilgan muolajalarga qaramay, olgan og‘ir tan jarohati sabab tuman kasalxonasida vafot etgan. Holat yuzasidan tuman ichki ishlar bo‘limi tergov bo‘linmasi tomonidan S.Z.ga nisbatan Jinoyat kodeksining 104-moddasi (qasddan badanga og‘ir shikast yetkazish) 3-qismi “d” bandi (jabrlanuvchining o‘lishiga sabab bo‘lsa) bilan jinoyat ishi qo‘zg‘atilib, gumon qilinuvchi qamoqqa olingan.

Ma’lumot uchun, bunday jinoyatni sodir etgan shaxs sakkiz yildan o‘n yilgacha ozodlikdan mahrum qilish bilan jazolanadi.

• Buxoro
• Jinoyat
• Qotillik