Google Gmail foydalanuvchilari uchun ovozli va videoqo‘ng‘iroqlar funksiyasini ishga tushirganini ma’lum qildi. Kompaniya ushbu funksiya ustida sentyabr oyidan beri ish olib bormoqda.
Ilgari kompaniyaning videoqo‘ng‘iroqlar funksiyasi faqat Google Meet orqali ishlagan — faqat tegishli uchrashuvni oldindan rejalashtirish orqali amalga oshirish mumkin edi.
Elektron pochta foydalanuvchilari endi har bir suhbatning yuqori o‘ng burchagida telefon va video piktogrammalariga ega bo‘ladi.
Google xabarida aytilishicha, endi barcha qo‘ng‘iroqlar, shu jumladan Google Chat ilovasi orqali qilingan qo‘ng‘iroqlar Gmail’ga yo‘naltiriladi. Yangi funksiya Google’ning Gmail’ni o‘zining super ilovasiga aylantirish maqsadini ilgari suradi.
Sentyabr oyidan boshlab Google Android smartfonlarining eski versiyalari foydalanuvchilariga YouTube, Gmail va kompaniyaning boshqa xizmatlaridan foydalanish uchun Google akkauntiga kirishni o‘chirib qo‘yishni boshladi. Ayni paytda eskirgan smartfonlar ulushi 0,2–0,3 foizni tashkil qilmoqda. Dunyoda 3 milliarddan ortiq faol Android qurilmalari mavjudligi hisobga olinsa, 6 milliondan 9 milliongacha smartfon Google xizmatlaridan foydalanish imkoniyatini yo‘qotgan.

• Google
• Internet