Bugun, 11-avgust kuni Gretsiyaning Rodos oroli janubiy qirg‘oqlari yaqinida, Egey dengizida ichida o‘nlab muhojirlar bo‘lgan kema cho‘kib ketdi.

Gretsiyaning Karpatos oroli yaqinida, Egey dengizidagi Rodos va Krit orollari oraligʻida qochqinlar hamda muhojirlar boʻlgan qayiq choʻkib ketishi oqibatida oʻnlab odamlar bedarak yoʻqolgan.

Dastlabki maʼlumotlarga koʻra, kemaning qutqarilgan yoʻlovchilari Afgʻoniston, Iroq va Eron fuqarolaridir.

Birlashgan Millatlar Tashkilotining Qochqinlar boʻyicha Oliy komissarligi boshqarmasi Gretsiya rasmiylarining hodisa oqibatida 50 ga yaqin odam bedarak yoʻqolganligi haqidagi xabarlarini tasdiqladi.

Gretsiya Sohil xavfsizlik xizmatining ma’lumot berishicha, hozirda 50 nafar muhojirni qidirish uchun yirik qidiruv-qutqaruv operatsiyasi davom etmoqda. Qayiq choʻkib keta boshlaganida, bortda 60-80 kishi boʻlgan.

• Gretsiya
• muhojir