“Manchester Siti” bosh murabbiyi Xosep Gvardiola yarim himoyachi Ilkay Gyundoganning jamoadagi kelajagi haqida gapirdi.

“Agar mendan soʻrasangiz, Ilkayning “Manchester Siti”da qolishini istayman. Hech kim uni ketishi mumkin deb oʻylamaydi.

Agar Gyundogan ketishni istasa, biz klubda bu haqda bilmaymiz”, — deya Gvardiola soʻzlaridan iqtibos keltiradi jurnalist Fabrisio Romano.

31 yoshli Gyundogan ingliz klubiga 2016-yilning yozida Dortmundning “Borussiya” klubidan kelib qoʻshilgan edi.

Joriy mavsumda 42 uchrashuvda maydonga tushgan germaniyalik yarim himoyachi 8 bor raqiblar darvozasini ishgʻol qildi va 6 ta golli uzatmani amalga oshirdi.

• Fikr
• Futbol
• Xorij