Oʻzbekiston Respublikasi Vazirlar Mahkamasida Bosh vazir Abdulla Aripov raisligida yuzaga kelishi mumkin boʻlgan sel oqimlari, toshqinlar va koʻchki hodisalari bilan bogʻliq favqulodda vaziyatlarning oldini olish boʻyicha ustuvor vazifalar muhokamasiga bagʻishlangan videoselektor yigʻilishi oʻtkazildi.
“Oʻzgidromet” bergan maʼlumotlarga koʻra, shu haftadan havo harorati kunduzi +10 darajagacha va kechalari +3 darajagacha koʻtariladi. Hatto, togʻ oldi va togʻli hududlarda 2-7 daraja iliq boʻlishi kutilmoqda.
Havo haroratining koʻtarilishi – qor va muzlar erishini tezlatib, sel, koʻchki va suv toshqinlari yuzaga kelishi ehtimolini yanada kuchaytiradi.
Bosh vazir raisligida oʻtgan yigʻilishda mavjud holat hududlar kesimida chuqur tahlil qilinib, yuzaga kelishim mumkin boʻlgan salbiy hodisalarni oldini olish va bartaraf etish yuzasidan tegishli vazirlik va idoralar hamda hokimliklar rahbarlariga topshiriqlar berildi.
Prezident Shavkat Mirziyoyevning topshiriqlariga asosan sel oqimlari, toshqinlar va koʻchki hodisalari bilan bogʻliq favqulodda vaziyatlarning oldini olish boʻyicha doimiy shtab tashkil etildi.
Davlat rahbarining 2022-yil 18-noyabrdagi 426-son qaroriga asosan Toshqinga qarshi Hukumat hamda hududiy komissiyalar tuzilgan va ularning asosiy vazifalari belgilangan.
Vazirlar Mahkamasida oʻtgan yigʻilish bayoni bilan ushbu Komissiya aʼzolari Qoraqalpogʻiston Respublikasi, viloyatlar va Toshkent shahri hududlariga biriktirildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!