12-dekabr kuni mahalliy vaqt bilan soat 2:11da Hindiston bosh vaziri Narendra Modining Twitter akkaunti xakerlar hujumiga uchradi, deya xabar bermoqda “IndianExpress”.

Xakerlar Modining nomidan Hindistonda bitkoin rasman qonuniylashtirilgani, shuningdek, hukumatning o‘zi ham 500 bitkoin sotib olgani haqidagi twit’ni joylashgan.

Dastlabki ma’lumotlariga ko‘ra, xakerlar akkauntni juda qisqa vaqt mobaynida nazorat qilishga erishgan. Twitter bu haqida ogohlantirilganidan so‘ng akkaunt darhol himoyaga olingan.

Bosh vazir idorasi o‘z murojaatida akkaunt buzilgan vaqt davomida nashr etilgan twit’larning hech biriga, jumladan, mamlakatda kriptovalyuta qonuniy to‘lov vositasi sifatida qabul qilgani haqidagi soxta twit’ga e’tibor bermasliklarini so‘ragan.

• Hindiston
• Twitter
• bitcoin