Hindiston armiyasi Pokiston tomonidan chegara postlariga o‘q uzilganini qayd etdi.

“Kecha Pokiston nazorat chizig‘i bo‘ylab ba’zi joylarda o‘q otishni boshladi. Otishmaga samarali javob berildi”, – deyiladi xabarda. Ularning ta’kidlashicha, xavfsizlik kuchlari Pokiston armiyasining harakatlariga “samarali javob bergan” va qurbonlar yo‘qligini qo‘shimcha qilgan.

Otishma Jammu va Kashmir mintaqasidagi Pahalgam shahri hududida sayyohlarga qilingan terroristik hujumdan bir necha kun o‘tib sodir bo‘ldi, hujum natijasida 26 kishi halok bo‘lgan edi. Bu esa Hindiston va Pokiston o‘rtasida yangi inqirozni keltirib chiqardi. Hujum uchun javobgarlikni “Iashkar-I-Tayba” terror tashkiloti bilan bog‘liq “qarshilik fronti” guruhi o‘z zimmasiga oldi.

Bunga javoban bosh vazir Narendra Modi boshchiligidagi Vazirlar Mahkamasining xavfsizlik qo‘mitasi Hindiston va Pokiston elchixonalari sonini 55 kishidan 30 kishiga qisqartirishga, Hind suvlari to‘g‘risidagi shartnomani to‘xtatishga va Vagah — Attari quruqlik chegara o‘tish joyini yopishga qaror qildi.

Nyu-Dehli ushbu nazorat punkti orqali kirgan pokistonliklardan 1-maygacha mamlakatni tark etishni talab qildi. Bundan tashqari, Hindiston hukumati qo‘shni davlat fuqarolariga Janubiy Osiyo mintaqaviy hamkorlik Assotsiatsiyasining (SAARC) vizadan ozod qilish tizimiga kirishni taqiqladi. Buni allaqachon qilganlarga Hindistonni tark etish uchun 48 soat vaqt berildi.

• Hindiston
• Otishma
• Pokiston
• Urush