31°
Kechasi 18°
Hindistonning G‘arbiy Bengaliya shtatida yo‘lovchi poyezdining yuk poyezdi bilan to‘qnashishi oqibatida kamida 15 kishi halok bo‘ldi. Bu haqda PTI agentligi xabar berdi, deb yozadi TASS axborot agentligi.
Agentlik ma’lumotlariga ko‘ra, halok bo‘lganlar orasida haydovchilardan biri ham bo‘lgan. Yana 60 kishi jarohatlangan. Avvalroq 5 kishi halok bo‘lgani, 20 dan ortiq kishi jarohatlangani xabar qilingandi.
Mahalliy politsiya matbuot kotibi Abxishek Roy jurnalistlarga “vaziyat o‘ta og‘ir” ekanini aytdi.
Poyezdlar mahalliy vaqt bilan soat 09:00 atrofida to‘qnashgan. Ma’lumki, Rangapani stansiyasi yaqinida yuk poyezdi tezyurar poyezd bilan to‘qnashib ketgan. Voqea sabablari aniqlanmoqda.
Hindiston bosh vaziri Narendra Modi halok bo‘lganlarning yaqinlariga hamdardlik bildirib, jabrlanganlarning tezroq sog‘ayib ketishini tiladi.
“Men rasmiylar bilan vaziyatni muhokama qildim. Qutqaruv ishlari jabrlanganlarga yordam berishda davom etadi. Temir yo‘l vaziri Ashvini Vayshnav halokat joyiga ketmoqda”, – dedi Modi o‘zining X ijtimoiy tarmog‘ida (sobiq Twitter).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
