Hindistonda maktabi xodimlari ikkinchi sinf o‘quvchisini marosim qurbonligi sifatida qurbonlik qilishgan. Bu haqda The Economic Times gazetasi xabar berdi.

Unga ko‘ra, bu voqea 22-sentyabr kuni Hatras (Uttar-Pradesh) shahridagi maktab yotoqxonasida sodir bo‘lgan.

Ta’lim muassasasiga “muvaffaqiyat va shon-shuhrat” olib kelish maqsadida besh kishi, jumladan maktab direktori, uning otasi va uch nafar o‘qituvchisi “sehrli marosim” paytida bolani bo‘g‘ib o‘ldirgan.

Bolaning jasadi uning sinfdoshlari va jinoyatga aloqasi bo‘lmagan xodimlar tomonidan topilgan. Shu bilan birga, direktor nima bo‘lganini yashirishga urinib, ota-onasiga o‘g‘li kasal bo‘lib qolganini aytgan.

Hozir ushbu holat yuzasidan barcha besh ayblanuvchiga nisbatan qotillik ishi qo‘zg‘atilgan.

Qayd etilishicha, avval ham xuddi shu guruh boshqa bolakayni o‘ldirmoqchi bo‘lgan, biroq buning uddasidan chiqa olmagan.

• Hindiston
• Maktab