Hindiston sudi omikron holatlari keskin ko'payib borayotgan bir paytda saylov bo‘yicha so'rov o'tkaziladigan shtatlarda mitinglarni to‘xtatishini e’lon qildi.

Qayd etilishicha, mamlakatning eng zich va 220 milliondan ortiq aholini o‘z ichiga oluvchi shtatlaridan biri Uttar-Pradesh hisoblanadi. Mazkur shtatdagi Ollohobod Oliy sudi sudyalari Omikron bilan kasallanganlar soni ortib borayotgani va bu koronavirusning uchinchi to‘lqiniga olib kelishi mumkinligi haqida ogohlantirgan.

Shuningdek, Uttar-Pradesh shtat assambleyasidagi saylovlar kelasi yil boshiga rejalashtirilgan edi, ammo yakuniy sanalar hali e’lon qilinmagan. Yana uchta shtatda ham bir vaqtning o‘zida mahalliy saylovlar o‘tkazilishi rejalashtirilgan.

Hindiston sudining ta’kidlashicha, “Agar kelgusi yilda vaziyat yomonlashmasa saylov 2022-yilning fevral oylarida o‘tkaziladi”.

• Hindiston
• saylov