Bir kun avval Hindistonning Mumbay shahrida kuchli yomg‘ir va shamol paytida reklama taxtasi taxminan 30 metr balandlikdan yoqilg‘i quyish shoxobchasi, yaqin atrofdagi uylar va to‘xtab turgan mashinalar ustiga qulab tushdi. Bu haqda “Mir24” xabar berdi.

Qayd etilishicha, voqea sabab sakkiz kishi halok bo‘lgan, o‘nlab kishi esa yaralangan. Rasmiylar inshoot noqonuniy o‘rnatilganini aytmoqda.

Aniqlanishicha, holat Ghatkopar tumanidagi Cheddanagar chorrahasida yuz bergan. Milliy ofatlarga qarshi kurash kuchlari 57 kishini qutqarib, shifoxonalarga yetkazgan.

Hokimiyat jabrlanganlarning yaqinlariga tovon puli to‘laydi va jabrlanganlarning davolanish xarajatlarini qoplaydi. Shahar Mumbaydagi barcha reklama taxtalarining litsenziyalarini tekshirishni rejalashtirmoqda, deb yozadi “Hindustan Times”.

• Hindiston
• reklama