Hindiston hukumati mamlakat sobiq bosh vaziri Manmoxan Singxning vafoti munosabati bilan yetti kunlik motam e’lon qildi. Bu haqda Janubiy Osiyo respublikasi ichki ishlar vazirligi xabar bermoqda. Shuningdek, respublika Ichki ishlar vazirligi ushbu muddat davomida rasmiy ko‘ngilochar tadbirlar o‘tkazilmasligini ma’lum qilgan.

Ta’kidlanishicha, marhum oliy martabali shaxsga hurmat belgisi sifatida 2024-yil 26-dekabrdan 2025-yil 1-yanvargacha butun Hindiston bo‘ylab yetti kunlik milliy motam e’lon qilinadi. Bu davrda butun Hindiston bo‘ylab davlat bayrog‘i yarim ko‘tariladi va hech qanday rasmiy ko‘ngilochar tadbirlar o‘tkazilmaydi.

Rasmiylar dafn marosimini davlat darajasida o‘tkazishga qaror qilishgan.

“Hindistonning xorijdagi barcha elchixonalarida dafn marosimi kuni davlat bayrog‘i ham yarimga tushiriladi”, — deyiladi mamlakat departamenti xabarida.

Manmoxan Singx 26-dekabr kuni 92 yoshida tez yordam bo‘limida vafot etdi, u o‘z uyidan hushsiz holda olib kelingan. Shifokorlarning ta’kidlashicha, Singx keksa odamlarga xos bo‘lgan bir qator kasalliklardan aziyat chekgan.

Manmohan Singx Hindistonning eng qadimgi siyosiy partiyasi - Hindiston Milliy Kongressining a’zosi edi. U ketma-ket ikki muddat - 2004-yilning mayidan 2014-yilning mayigacha bosh vazir lavozimida ishlagan.

• Hindiston