Joriy yilning 18-noyabrida boshlangan sel Hindistonning janubi-sharqida suv toshqinlari keltirib chiqargan. The Times of India nashriga ko‘ra, Andxra-Pradesh shtatida 1300 qishloqni, bir qancha aholi punktlarini, xususan Tirupati shahrini suv bosgan, shahar ko‘priklari qulagani tufayli poyezd va avtomobil qatnovi to‘xtagan.

Tabiat hodisasidan so‘ng 40 dan oshiq qurbon aniqlangan, 100 dan oshiq kishilar esa bedarak yo‘qolgan deya e’lon qilindi. Shtat hokimiyati tabiiy hodisa qurbonlari oilalariga 500 ming rupiyadan (taxminan 72 mln 300 ming so‘m) mablag‘ ajratilgan.

Tabiat hodisasi tufayli iqtisodiyotga qanday zarar yetgani haqida mahalliy amaldorlar hisob-kitob olib bormoqdalar. Ularning aytishiga ko‘ra, hodisa 2 ming boshdan ziyod qoramolning yo‘q bo‘lishiga sabab bo‘lgan, bu taxminan 300 ming AQSh dollariga teng.

Tekshiruvlarga ko‘ra, Andxra-Pradesh shtatida odatiy yog‘ingarchilikdan bir yarim barobar ko‘p yomg‘ir yoqqan. Bu 1-oktyabrdan to hozirgacha 518 mm ni tashkil etdi.

• Hindiston
• Jahon
• suv_toshqini
• tabiat
• АҚШ_доллари