Hind manbalarida Uttar-Pradesh shtatidagi ruhoniy, Temuriylar sulolasidan bo‘lgan Zahiriddin Muhammad Boburning suratini yoqib yuborgan video tarqaldi. Ma’lum bo‘lishicha, bu orqali ular, Bobur qurdirgan masjid o‘rnida ibodatxona qurilganini nishonlashgan.

Tarixiy hujjatlarga ko‘ra, ushbu ibodatxona binosi 1527-yilda Bobur buyrugʻi bilan qurilgan masjid hisoblangan. Hamda Uttar-Pradeshda 31 million nafarga yaqin musulmon aholisi yashagan. Bu masjid musulmon ahliga xizmat qilgan. Biroq 1992-yilda hindlar bu binoni o‘zlarining eng hurmatli ilohi, Rama ziyoratgohi o‘rnida qurilgan deb da’vo qilib masjidni vayron qilgan. Bu o‘sha yili Hindistonda katta diniy nizolarga olib kelib, 2000 nafarga yaqin asosan musulmonlar halok bo‘lgan edi.

2019-yilda Hindiston Oliy sudi masjidning vayron qilinishini “qo‘pol qonunbuzarlik” deb topdi, biroq bu yerni hindlarga berib, musulmonlarga masjid uchun boshqa hududni taklif qildi.

Ammo ko‘rib turganimizdek, Boburiylar sulolasi asoschisi, Buyuk Temurning nabirasiga nisbatan yana bir bor qo‘pol munosabat bildirildi.

• Hindiston
• Zahiriddin Muhammad Bobur