Kecha, 11-avgust kuni O‘zbekiston Oliy sudi Andijonda jinsiy zo‘rovonlik qurboni bo‘lgan 14 yashar qiz ishini kassatsiya tartibida ko‘rib chiqib, shu paytgacha chiqarilgan barcha darajalagi sud hukmlarini bekor qildi. Bu haqda inson huquqlari “Ezgulik” jamiyati rahbari Abdurahmon Tashanov o‘zining Fecbook sahifasida ma’lum qildi.

Ta’kidlanishicha, jinoyat ishi protsessual talablar qo‘yilib, qayta sud tergovi o‘tkazish uchun Toshkent shahar sudining appelyatsiya instansiyasiga yuborilgan.

“Bir necha daqiqa avval Oʻzbekiston Respublikasi Oliy sudi Andijonda jinsiy zoʻrovonlik qurboni boʻlgan 14 yashar qiz ishini kassatsiya tartibida koʻrib chiqib, shu paytgacha chiqarilgan barcha qarorlarni bekor qildi.

Jinoyat ishi protsessual talablar qoʻyilib, qayta sud tergovi oʻtkazish uchun Toshkent shahar sudining appelatsiya instansiyasiga yuborildi. Katta ehtimol bilan bu ishga ham Toshkentdagi jinsiy zoʻrovonlik masalasidagi Saida Mirziyoyevaning chiqishi taʼsir qildi, deb oʻylayman.

Aksincha, qizga jinsiy tajovuz qilgan shaxslarga nisbatan juda yengil jazo tayinlangan, ular qisqa muddatli qamoqdan soʻng ozodlikka chiqarilgandi. Zam hokimning oʻgʻli doxil zoʻrovonlarga nisbatan endi qayta tergovlar boshlanadi, ularni uzoq yillik qamoq kutmoqda”, deb yozadi “Ezgulik” jamiyati rahbari.

Ma’lumot uchun, 2021-yil 11 may kuni Andijon viloyati Paxtaobod tumani hokimi o‘rinbosari D.X.ning o‘g‘li I.Sh. va uning sherigi M.A. voyaga yetmagan qizga buzuq harakat qilgan.

• Jinoyat