Xalqaro futbol tarixi va statistikasi qo‘mitasi (IFFHS) 2021-yilgi yil yakunlari bo‘yicha eng yaxshilarni aniqlashda davom etadi. Bu safar ham xuddi bir yil avvalgidek, “Manchester Siti” a’zosi Kevin de Bryuyne eng yaxshi pleymeyker deb topildi.

Kevin bu borada 105 ochko jamg‘argan Lionel Messidan 160 ballga o‘zib ketdi. Kuchli beshlikka Bruno Fernandesh, Tomas Myuller va Jorjinyo ham kiritildi, biroq bu futbolchilar mos ravishda 15, 15 va 10 ochko jamg'argan holda, De Bryuynedan ortda qolishdi.

Ma’lumot uchun, Kevin de Bryuyne 2015-yilning yozidan buyon “Manchester Siti”da o‘ynab kelmoqda. Belgiyalik futbolchi “shaharliklar” safida jami 276 ta o‘yin o‘tkazishga muvaffaq bo‘ldi. Bu vaqt mobaynida belgiyalik yarim himoyachi 70 ta gol urdi va 108 ta golli uzatmani amalga oshirdi.

• Futbol
• Xorij