“Portu” klubi va Portugaliya milliy jamoasining sobiq futbolchisi Fernandu Gomesh 66 yoshida vafot etdi.

“Portu” oʻz tarixidagi eng buyuk shaxslardan birini yoʻqotganidan qaygʻuda va Fernandu Gomeshning oila aʼzolari, doʻstlari hamda barcha muxlislariga chuqur hamdardlik bildiradi”, – deyiladi klub matbuot xizmati xabarida.

Gomesh uzoq vaqt davomida oshqozon osti bezi saratoni bilan kurashib keldi va oktyabr oyida insultga uchrab, kasalxonaga yotqizilgan edi.

Hujumchi “Portu”ning barcha davrlardagi eng yaxshi toʻpurari boʻlib, klub safida 452 oʻyinda 355ta gol urgan.

U 6 marta Portugaliya chempionatining eng yaxshi toʻpurari boʻlgan va ikki marta – 1983 va 1985 yillarda “Oltin butsa”ni qoʻlga kiritgan.

• Futbol
• Taʼziya
• Xorij