Birlashgan Arab Amirliklarining ikki yirik kompaniyasi – “Mubadala” va “TAQA” Talimarjon IESni modernizatsiya qilish uchun 1 milliard dollar miqdorida sarmoya kiritadi. Bu haqda bugun Toshkent shahrida BAA energetika va infratuzilma vaziri Suxeyl al-Mazrui, ikki kompaniya rahbarlari, shuningdek, Oʻzbekiston bosh vaziri oʻrinbosari Jamshid Hojiyev, energetika vaziri, “Milliy elektr tarmoqlari” va “Issiqlik elektr stansiyalari” aksiyadorlik jamiyatlari rahbarlari ishtirokidagi tadbir vaqtida maʼlum qilindi.
BAA kompaniyalarining sarmoyasi qoʻshma korxonaning 300 million dollarlik ustav kapitalidagi 80 foiz ulushi uchun toʻlov hamda ilgari “Talimarjon IES” AJ tomonidan jalb qilingan taxminan 700 million dollarlik kreditlarni toʻlashga yoʻnaltiriladigan mablagʻlardan iborat.
Maʼlumot uchun, “Mubadala” Abu-Dabi hukumatiga tegishli boʻlgan va dunyoning 30 dan ortiq mamlakatlarida faoliyat yuritayotgan investitsiya kompaniyasi hisoblanadi. Kompaniyaning umumiy aktivlari 250 milliard dollardan oshadi.
“TAQA” esa ADQ investitsiya holdingiga tegishli boʻlgan va dunyoning 11 dan ortiq mamlakatlarida faoliyat yuritadigan energetika sohasidagi kompaniya sanaladi. Kompaniya aktivlarining umumiy qiymati 80 milliard dollardan oshadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!