Bugun, 2022-yil 25-sentabrga o‘tar kechasi ilk bor Birlashgan Arab Amirliklaridan “Flydubai” aviakompaniyasining havo kemasi Namangan xalqaro aeroportiga kelib qo‘ndi. Bu haqda viloyat hokimligi axborot xizmati xabar berdi.

Qayd etilishicha, aviakompaniyaning “Boeing 737” rusumli havo kemasida Dubay – Namangan yo‘nalishida yigirmaga yaqin yo‘lovchini O‘zbekistonga olib kelgan bo‘lsa, Namangan shahridan Dubay shahriga 189 kishi jo‘nab ketdi.

Dubay – Namangan yo‘nalishidagi pavozlar haftaning chorshanba va shanba kunlari, Namangan – Dubay yo‘nalishidagi aviaqatnovlar esa payshanba va yakshanba kunlari amalga oshirilishi rejalashtirilgan.

Ma’lumot o‘rnida, bugungi kunda “Flydubai” aviakompaniyasi yurtimizning Toshkent va Samarqand shaharlariga muntazam aviaqatnovlarni amalga oshirib kelmoqda.

• Aeroport
• BAA
• Namangan