SpaceX asoschisi Ilon Mask Time jurnaliga bergan intervyusida Marsga uchish bo‘yicha o‘zining yirik loyihasini amalga oshirish muddati haqida so‘zlab bergan.

Milliarder insoniyat yaqin besh yil ichida Marsga qo‘nmasa, juda hayron qolishini aytgan.
“Keyingi haqiqatan ham muhim narsa — Marsda o‘zini o‘zi ta’minlaydigan shahar qurish va u yerga Yerdan tirik mavjudotlarni olib boorish”, — deydi Ilon Mask.

Fevral oyida kosmik siyosat bo‘yicha ekspert va Arizona shtati universiteti professori Greg Avtri Business Insider nashriga bergan intervyusida Mask NASA yordami bilan ham kamida 2029-yilgacha Marsga yetib bormasligini aytgan.
Shuningdek, boshqa ekspertlar SpaceX rahbari oxir-oqibat Marsni mustamlaka qila olishiga to‘liq ishonishini ta’kidlagan. Maskning o‘zi esa Xprize notijorat tashkilotiga bergan intervyusida ba’zi astronavtlar Marsni zabt etish yo‘lida halok bo‘lishi mumkinligini aytgan.

Ilon Mask, shuningdek, Marsni tadqiq qilishdan pul ishlab olishga harakat qilmayotganini ta’kidlagan.
Ta’kidlanishicha, SpaceX hozirda taxminan 100 milliard AQSh dollarga baholanmoqda va NASA bilan birgalikda Yer sayyorasini asteroidlardan himoya qilish tizimi ustida ishlamoqda. Buning uchun SpaceX koinotga haqiqiy asteroid bilan to‘qnashadigan raketani uchirgan. Missiya DART deb nomlangan va bu uchun taxminan 330 million AQSh dollar xarajat qilingan.

SpaceX shuningdek, amerikalik astronavtlarni oyga yetkazish bo‘yicha NASA’ning eksklyuziv shartnomasini qo‘lga kiritgan. Shartnoma summasi taxminan 100 million AQSh dollarni tashkil qiladi.

• Ilon_Mask
• Mars