Amerikalik milliarder Ilon Mask sivilizatsiya qancha davom etishini bashorat qildi, deb yozadi “Zakon.kz”.

“Sivilizatsiya Mars yashash uchun yaroqli holga kelguniga qadar o‘zining hozirgi texnologik darajasini saqlab turishi kerak. Bunga taxminan 20 yil ichida erishish mumkin. Agar biz sayyoralararo, keyin yulduzlararo bo‘lib qolsak, bizning sivilizatsiyamiz millionlab yillar davom etadi. Agar shunday bo‘lmasa, ehtimol bir necha yuz yil davom etadi”, deb yozdi u X ijtimoiy tarmog‘ida. Milliarder jurnalist va futurist Ed Krassenshteynning savoliga shunday javob berdi.

1-aprel kuni Mask sun’iy intellektning (AI) rivojlanishi 10-20% ehtimollik bilan insoniyatning o‘limiga olib kelishi mumkinligini aytdi. Shu bilan birga, tadbirkorning fikricha, bunday texnologiyalarni ishlab chiqish hali ham izlanishga arziydi. Chunki bu boradagi ijobiy ssenariylar salbiylardan ustun turadi.

• Ilon_Mask
• Mars
• Sun'iy yo'ldosh