Amerikaning Tesla kompaniyasi Kremniy vodiysidagi ofislaridan birini yopadi va 200 ga yaqin xodimini ishdan bo‘shatadi. Bu haqda The Wall Street Journal xabar berdi.

Kompaniya xodimlariga avtopilot haydovchilarga yordam berish tizimini takomillashtirayotgan San-Mateo ofisini yopishini va ofis xodimlarining yarmidan ko‘pini (taxminan 200 kishi) ishdan bo‘shatishini ma’lum qilgan.

Avvalroq, Tesla rahbari Ilon Mask global iqtisodiyotdagi vaziyatdan xavotirlar fonida kompaniya xodimlarining 10 foizini qisqartirishni rejalashtirayotganini e’lon qilgandi. Uning aytishicha, ishdan bo‘shatish elektromobillar va akkumulyatorlar, shuningdek, quyosh batareyalari ishlab chiqaruvchi ishchilarga ta’sir qilmaydi. Bundan tashqari, u soatlik ish haqi bilan ishlaydigan xodimlar soni oshishi mumkinligini ta’kidladi.

• AQSh
• Ilon_Mask
• Tesla