Taniqli tadbirkor Ilon Mask Twitter rahbari bilan tortishishda davom etmoqda. Ushbu mojaroga oid gap-soʻzlar tadbirkorning platformani sotib olishga qaror qilishi, keyin esa fikridan qaytishi bilan bogʻliq.

Maskning aytishicha, platforma unga zaruriy hujjatlarni taqdim eta olmagan va milliarderni aldashga harakat qilgan. Tadbirkor bir necha kun avval platforma rahbariyatini sudga bergan, ammo sud masalaga oid maʼlumotlarni sir saqlashni afzal bilmoqda.

Milliarder platforma direktori Parag Agravalni ommaviy debatga taklif qilib, Twitterʼga oid masalaga nuqta qoʻyish fikriga keldi.

“Agraval Twitterʼdagi soxta va spamga uchragan foydalanuvchilar soni 5 foizdan kamroq ekanligini omma qarshisida isbotlasin”, – deydi tadbirkor.

Eslatib oʻtamiz, joriy yilning aprel oyida milliarder platformani sotib olmoqchi ekani haqida barchaga maʼlum qilgandi. Twitter rahbariyati tadbirkorning taklifiga rozi boʻlgan. Ammo, may oyiga kelib, Mask ijtimoiy tarmoq foydalanuvchilari soni oshgani haqidagi xabardan soʻng platformani sotib olish fikridan voz kechdi. Bu esa Twitter aksionerlariga maʼqul kelmagan.

• Ilon_Mask
• Jahon
• Twitter
• Xabardor.uz
• milliarderlar