Amerikalik tadbirkor, “Tesla” hamda “SpaceX” kompaniyalari asoschisi – Ilon Mask Twitter ijtimoiy tarmog‘ini sotib oladi.

Qiymati taxminan, 54.20 milliard AQSh dollariga teng bo‘lgan kompaniya Maskka 44 milliard dollarga tushadi. Kelishuvlar tugagach, Twitter xususiy kompaniyaga aylanadi.

“Twitter direktorlar kengashi Ilon taklifini diqqat bilan va har tomonlama baholab, xarajatlar, aniqlik va moliyalashtirishga e’tibor qaratdi. Bu Twitter aksiyadorlari uchun eng yaxshi yo‘l deb hisblaymiz” – deydi boshqaruv Kengashi raisi Bret Teylor.

Ilon Mask Twitter’dagi sahifasi tavsifiga “chief tweet” ya’ni “Twitter boshlig‘i” deb yozib qo‘ydi. Shuningdek, uning sahifasida Twitter ofisiga tashrif buyurgan videosi joylangan.

Ma’lumot uchun, Mask aprel oyi boshida 9,2% ulush bilan Twitter’ning eng yirik aksiyadorlaridan biriga aylangan edi. Milliarder kompaniya yaxshilanishi uchun xususiylashtirilishi kerakligini ta’kidlagan edi. Ilgariroq, Ilon Twitter uchun 46,5 milliard AQSh dollari ajratishi mumkinligini aytgan edi.  

• Ilon_Mask
• Twitter