Amerikalik milliarder Ilon Mask Twitter ijtimoiy tarmog‘ini sotib olish bo‘yicha kelishuvni to‘xtatishga qaror qildi. U ijtimoiy tarmoqdagi soxta akkauntlar sonini tekshirish natijalarini kutayotganini aytgan. 

Qayd etilishicha, yangilik fonida ijtimoiy tarmoq aksiyalari 20 foizga tushib ketgan.

“Soxta akkauntlar foydalanuvchilarning 5 foizdan kamrogʻini tashkil etishi haqidagi hisob-kitoblarni tasdiqlovchi tafsilotlar kutilmaguncha Twitter kelishuvi vaqtincha toʻxtatiladi”, deya yozgan Mask oʻz sahifasida.

Ma’lumot uchun, joriy yil 25-aprel kuni kompaniya rahbariyati Mask Twitter’ni sotib olayotganini rasman ma’lum qildi. Kelishuv 44 milliard dollarni tashkil etgandi. AQSh Qimmatli qog‘ozlar va birjalar komissiyasi (SEC) shu munosabat bilan agar u kelishuvni bekor qilishga qaror qilsa, 1 milliard dollar jarima to‘lashini ma’lum qildi. Agar Twitter kelishuvni bekor qilish tashabbuskori bo‘lsa, Mask kompensatsiya oladi. Bitim 2022-yil 24-oktabrda yakunlanishi rejalashtirilgan.

Eslatib o‘tamiz, avvalroq AQSh Qimmatli qog‘ozlar va birjalar komissiyasi Maskning Twitter ijtimoiy tarmog‘i aksiyalarini sotib olish ishi bo‘yicha tekshiruv o‘tkazayotgani ma’lum bo‘lgan edi. AQSh qonunchiligiga ko'ra, investor kompaniya aksiyalarining kamida 5 foizini sotib olganidan keyin o‘n kun ichida SECni xabardor qilishi kerak. 

• AQSh
• Ilon_Mask
• Jahon
• Twitter