Niderlandiya Qirollik meteorologiya instituti vakillari xabarlariga ko‘ra, “Starlink” kompaniyasi sun’iy yo‘ldoshlari ma’lumotlarini yig‘ib boruvchi uskunalar yuzaga kelgan harorat o‘zgarishi ma’lumotlarini yig‘ishga to‘sqinlik qilmoqda.

Institut vakilining ta’kidlashicha, “Starlink” antennalari tomonidan ishlab chiqarilgan issiqlik sun’iy yo‘ldoshlardan ko‘rinadigan sezilarli bug‘ bulutlarini hosil qiladi. Bu, ayniqsa, tadqiqot stansiyalari joylashgan Shimoliy qutbda seziladi.

Mutaxassislarning e’tirof etishicha, bu muammoni hal qilish uchun “Starlink” yo o‘z jihozlarini yaxshilaydi, yoki olimlar sun’iy yo‘ldosh antennalari joylashgan hududlarni kuzatishlaridan chiqarib tashlashi kerak.

Eslatib o‘tamiz, yaqinda “SpaceX” Milliy fan jamg‘armasi bilan “Starlink” sun’iy yo‘ldoshlarining yorqinligini yettinchi magnitudagacha kamaytirishga kelishib olgan edi. Bu astronomlarga xalaqit bermaslik uchun amalga oshiriladi.

• Ilon_Mask
• Niderlandiya
• SpaceX
• Starlink