Ma’lum qilinishicha, Ilon Maskning The Boring Company kompaniyasi Vegas Loop tarmog‘ining yer osti tunnelini taqdim etgan. Shuningdek, namoyish premyerasi Las-Vegasdagi International Consumer Electronics Show’da (CES 2022) bo‘lib o‘tgan.

Qayd etilishicha, uzunligi 2,7 kilometr bo‘lgan tunnel Las-Vegasning ikki qismini bog‘laydi. Bu Maskning kompaniyasi keyingi bir necha yil ichida quradigan yer osti tunnel tarmog‘ining bir qismi bo‘lishi ta’kidlangan.

Tesla rahbari Ilon Maskning rejasiga ko‘ra, shaharni tirbandlikdan xalos qilishi kerak bo‘lgan Vegas Loop’da premyera vaqtida elektromobil vositalarining tirbandligi yuzaga kelgan. Ijtimoiy tarmoqlarda tunnelda tirbandlik aks etgan video tarqaldi.

Ma’lumot uchun, Ilon Maskning The Boring Company 2019-yilda Las-Vegasda tunnel qurish uchun 48,7 million AQSh dollarlik shartnomani qo‘lga kiritgan edi. Shuningdek, qurilish ishlari 2020-yilning oxirida yakunlanishi kerak edi. Biroq boshlanib qolgan pandemiya va karantin cheklovlari loyiha amalga oshishini kechiktirgan.

• AQSh
• Ilon_Mask
• Tesla