Tesla rahbari Ilon Maskning talabalik davridagi ishlari auksionda 7753 AQSh dollarga sotildi. Bu haqida Forbes nashri yozmoqda.
Milliarder Ilon Mask (uning boyligi 10-dekabr holatiga ko‘ra 263,4 milliard dollarga baholangan) 1995-yilda Pensilvaniya universiteti qoshidagi Uorton biznes maktabida tahsil olgan va u yerda assistent bo‘lib ishlagan. Xususan, u professor Maylz Bassga tadbirkorlik kursida talabalarning hujjatlarini tekshirishga yordam bergan.
Professor Bassning shogirdlaridan biri Brayan Tomas edi. O‘qishni tugatgandan so‘ng yillar o‘tib, sobiq UPenn talabasi o‘g‘li bilan universitetning eski hujjatlarini ko‘zdan kechirayotganda Ilon Mask tekshirgan imtihon qog‘oziga duch kelgan. Daftarda bo‘lajak tadbirkorning to‘liq imzosi yo‘q edi, faqat bosh harflar — EM mavjud bo‘lgan. Keyin Brayan Tomas uni kimoshdi savdosiga qo‘yishga qaror qilgan.
Shuningdek, lotga 9 varaqdan iborat imtihon qog‘ozi va bog‘dorchilik asboblarini sotuvchi kompaniya asos solgan tadbirkor Rut Ovades haqidagi besh sahifalik tadqiqot kiritilgan. U Bostondagi RR Auctions onlayn auksionida 7753 AQSh dollarga (komissiya bilan birga) sotilgan. Xaridor kim bo‘lgani esa oshkor qilinmayapti.
“O‘shanda Ilon Mask dunyodagi eng boy odam bo‘lishini hech kim bilmas edi. Aksincha, professor Maylz Bass ko‘plab talabalarga o‘z bizneslarini boshlashda yordam bergan afsona edi. Men bu ishlarni uning xotirasi uchun saqlab qoldim”, - deyiladi Brayan Tomasning maktubida.
Imtihon varaqasida Ilon Mask behayo so‘z uchun Tomasdan ikki ball olib tashlaganini ko‘rish mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!