Ushbu ijtimoiy tarmoq oxirgi marta 2018-yilda foydalanuvchilari to‘g‘risidagi ma’lumotlarni oshkor qilgan edi. O‘sha vaqt faol foydalanuvchilar soni 1 milliarddan oshgandi.

“vc.ru"ning yozishicha, Meta' xodimlari CNBC ga Instagram'ning faol foydalanuvchilari soni 2 mlrd ga yetganligi haqida ma’lumot bergan. Instagram'ni ushbu ko‘rsatkichga 2021-yil oktyabr oyida Facebook' nomini Meta' deb o‘zgartirishdan bir hafta oldin erishilgan.

Ta’kidlanishicha, Instagram’ so‘nggi 2018-yil iyunida berilgan ko‘rsatkichlardan so‘ng faol foydalanuvchilar sonini oshkor etmayapti. Nashr buni Meta'ni odamlarga haddan tashqari ta’sir qilishda ayblagan rasmiylarning e’tiborini tortmaslik maqsadida, deb baholaydi.

Ma’lumot uchun, 2021-yil sentyabrida WSJ Instagram' algoritmlari va boshqa Meta' loyihalari ishi bo‘yicha tekshiruvni e’lon qilgan. Ma’lumotlarga ko‘ra, bir guruh tadqiqotchilar uch yil davomida ijtimoiy tarmoq inson psixologiyasiga qanday ta’sir qilishini o‘rgangan. Shundan so‘ng AQSh senatorlari Instagram'ning o‘smirlarga ta’siri bo‘yicha tekshiruv o‘tkazilishini e’lon qilgan.

• Instagram
• Meta
• texnologiya