Parij klubi himoyachi Milan Shkrinyarning transferi borasida “Inter” bilan muzokaralar olib bormoqda, deya xabar beradi Le Parisien.

Manbaga koʻra, Italiya klubi 27 yoshli futbolchi uchun bonuslar bilan birga 80 million yevro talab qilmoqda.

PSJ transfer uchun 60 million yevrodan kam toʻlashga tayyor va narxni pasaytirish boʻyicha muzokaralar olib borishni kutmoqda.

Shkrinyarning “Inter” bilan amaldagi shartnomasi 2023-yilning yoziga qadar moʻljallangan. Oldinroq himoyachiga “Tottenxem” ham qiziqish bildirayotgani haqida xabarlar tarqalgan edi.

Eslatib oʻtish mumkin, Shkrinyar 2017-yilda “Sampdoriya”dan “Inter”ga oʻtgan edi. Oʻtgan mavsumda himoyachi Italiya A seriyasining 35 ta oʻyinida maydonga tushib, 3 ta gol urishga erishdi.

• Futbol
• Transferlar
• Xorij