Interpolning Oʻzbekiston Respublikasidagi Milliy markaziy byurosi xodimlari tomonidan ilk bor Misrdan diniy ekstremistik tashkilotlarda ishtirok etgani uchun xalqaro qidiruvda boʻlgan jinoyatchi ekstraditsiya qilindi.

Interpol MMB xodimlari hamrohligida Oʻzbekiston Respublikasi Ichki ishlar vazirligi Interpol kanallari orqali qidiruvda boʻlgan oʻzbekistonlikni ekstraditsiya qildi.

Interpolning Toshkent va Qohiradagi Milliy markaziy byurolarining muvofiqlashtiruvchi chorasi natijasida, Interpol Bosh kotibiyati tomonidan oʻtkazilayotgan xalqaro uchrashuvlar doirasida byurolar rahbarlari oʻrtasida rivojlangan ikki tomonlama aloqalar hamda Interpolning bevosita yordami tufayli Misr politsiyasi, jinoyatchining Misr Arab Respublikasidan Oʻzbekiston Respublikasiga ekstraditsiya qilinishi birinchi marta amalga oshirildi.

Mazkur shaxs islom universitetida tahsil olish maqsadida Misrga borgan va yashirin yigʻilishlarda qatnasha boshlagan, keyinchalik esa diniy ekstremistik oqimga aʼzo boʻlgan. U yerda oʻz tarafdorlarini koʻpaytirish maqsadida fundamentalizm gʻoyalarini targʻib etib, islom diniga qiziquvchi va Qohiraga oʻqish uchun kelganlar orasida targʻibot ishlarini olib borgan. Shu bois unga nisbatan ayb eʼlon qilinib, u xalqaro qidiruvga berilgan.

Maʼlumotlarga koʻra, jinoyatchi Misrda yashiringan va tezkor-qidiruv tadbirlari davomida qoʻlga olingan. Interpolning Toshkent va Qohiradagi Milliy markaziy byurolarining hamkorlikdagi harakatlari bilan jinoyatchi Misrdan Oʻzbekistonga ekstraditsiya qilingan va endilikda u sodir etgan.

• Interpol
• Misr