Bosh prokuratura huzuridagi Departamentning Yangihayot tuman bo‘limi tomonidan fuqaroning arizasiga asosan olib borilgan tezkor tadbirda soxta valyutalarni muomalaga kiritish bilan bog‘liq jinoyat ishi ochildi.

Ma’lum qilinishicha, fuqaro J.U. internet tarmog‘i orqali tanishgan noma’lum shaxsga o‘zining “Iphone 12 Pro” rusumli uyali aloqa vositasini 900 AQSh dollariga sotgan va evaziga ushbu shaxsdan olgan 16 dona 50 AQSh dollari qalbaki ekanligi bilib qolgan.

Hozirda mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.

• IIV
• Jinoyat
• Prokuratura