U23 Osiyo kubogi chorak final bahslari oldidan tashkil etilgan matbuot anjumanida Iroq jamoasi bosh murabbiyi Miroslav Soukup ham futbolchi ishtirok etdi.

“Chorak finalga chiqqanimizdan mamnunmiz. Ertaga bizni mezbonlarga qarshi jiddiy oʻyin kutib turibdi. Mahalliy muxlislarning qoʻllab-quvvatlashini ham inobatga olish kerak.

Chamasi 30 ming muxlis qurshovida oʻynashimizni taxmin qilyapman. Shunday boʻlsa ham, ertaga yarim finalga yoʻl olib, Iroq futboliga uzoq vaqt kutilgan gʻalabani taqdim qilmoqchimiz”

Oʻzbekistonning oʻyiniga qaraydigan boʻlsak, ular guruh bosqichida ajoyib natija koʻrsatishdi. Ayniqsa, Qatarni yirik hisobda magʻlub etishdi. Ularning oʻyinini qanchalik oʻrganmoqdasiz?

“Albatta, mezbonlar kuchli jamoa. Ammo biz ham barcha sirlarimizni ochganimiz yoʻq. Tayyorgarlik doirasida Oʻzbekistonning barcha oʻyinlarini diqqat bilan kuzatib bordik. Bizda mezbonlar oʻyini haqida yetarli maʼlumot bor. Ularning har biz chiziqlarini chuqur tahlil qilyapmiz.

Raqib oʻyinchilari jismonan kuchli, 90 daqiqa birdek oʻynay olishadi, texnikasi ham kuchli. Qatarga 6 ta gol urishgan ekan, buning oʻzi ularning kuchini anglatmoqda.

Muxlislarning qoʻllashi Oʻzbekiston jamoasining yana bir ustunligi va bu ularni boʻlajak bahsda favorit maqomiga olib chiqmoqda”, – dedi Iroq terma jamoasi bosh murabbiyi.

• Fikr
• Futbol
• Iroq
• O‘zbekiston