Isroil havo kuchlari samolyotlari G‘azo sektoridagi yana bir masjidni bombardimon qildi. Isroil tomonidan 30 dan ortiq masjid nishonga olingan, ularning bir qismi butunlay vayron qilingan.

Isroil havo kuchlari samolyotlari blokada ostidagi yana bir masjidni bombardimon qildi.

Bu haqda G‘azo Ichki ishlar vazirligi yozma bayonotida aytilgan. Shuningdek, bayonotda, Isroil harbiy samolyotlarining G‘azo sektori shimolidagi Beyt Lahiadagi Muhammad Fatih masjidiga havo hujumi uyushtirgani qayd etildi.

Ushbu ma’lumotlarga ko‘ra, hujum natijasida masjid butunlay vayron bo‘lgan va jarohatlanganlar bor.

Avvalroq G‘azodagi Vaqf ishlari vazirligi 30 dan ortiq masjid hujumlar nishoniga aylangani, ularning ba’zilari butunlay vayron bo‘lgan, qolgan qismi esa jiddiy zarar ko‘rgani haqida ma’lum qilgan edi.

• Falastin
• Isroil
• Masjid