Isroil hukumati qurilish ishlariga O‘zbekiston, Hindiston va Shri-Lanka fuqarolarini taklif qilmoqchi.

Ular xorijlik muhojirlardan foydalanib, so‘nggi oylarda sohada shakllangan ishchi kuchi tanqisligini to‘ldirmoqchi.

Isroil – Falastin urushi avj olishidan avval Isroil qurilish maydonlarida 72 mingga yaqin falastinliklar ishlab kelayotgan bo‘lgan. G‘azodagi mojaro avj ola boshlaganidan so‘ng, Isroil xavfsizlik idoralari ularning ishlash ruxsatnomalarini to‘xtatib, mamlakatdan chiqarib yuborgan.

Shu sababli qurilish maydonchalarida 20 ming xorijlik ishlamoqda, maydonlarning yarmida ishlar to‘xtatilgani aytilmoqda.

Umumiy hisobda uchta mamlakatdan 65 ming nafar mehnat migrantlarini jalb etish rejalashtirilgan. Yangi ishchilar qurilish obyektlarida kadrlar yetishmasligi muammosini hal qilishlari kerak.

Maʼlumotlarga ko‘ra, xorijiy ishchilarning birinchi guruhi yaqin haftalarda mamlakatga yetib borishi kutilmoqda.

• Hindiston
• Isroil
• Shri-Lanka