Istanbulda jinoiy guruhlar o‘rtasida otishma yuz berdi, qurbon o‘zbekistonlik ekanligi aytilmoqda. Bu haqda O‘zbekistonning Istanbuldagi bosh konsulligi xabar berdi.

Qayd etilishicha, voqea 2-sentabr kuni yuz bergan. Oqibatda yaqin joyda ishlayotgan 46 yoshli o‘zbekistonlik N.Z. ham og‘ir yaralangan.

U shifoxonada ko‘rsatilgan yordamga qaramay, vafot etgan. Jinoyat sodir etgan shaxslar ushlangan, ularga nisbatan tergov ishlari boshlangan.

Ma’lum qilinishicha, Istanbuldagi O‘zbekiston Bosh konsulxonasi fuqaroning jasadini Samarqandga yuborish uchun uning yaqinlariga yordam ko‘rsatgan.

• Istanbul
• Jinoyat
• Otishma