Yong‘in Istanbulning markazidagi Shishli tumanidagi 16 qavatli uyning birinchi qavatidagi tungi klub ta’mirlanayotganda yuzaga kelgan.

Yong‘in natijasida 29 kishi halok bo‘lganligi haqida xabar berilgan. Turkiya prezidenti ma’muriyati prezident Rajab Toyyib Erdo‘g‘an ichki ishlar vaziri Ali Yerlikayga qo‘ng‘iroq qilib, voqea tafsilotlarini bilib olganini aytdi.

Halok bo‘lganlarning barchasi tungi klubni taʼmirlayotgan ishchilar bo‘lgan. Ularning shaxsiga aniqlik kiritish bo‘yicha ishlar olib borilmoqda.

Holat yuzasidan mahalliy prokuratura tomonidan jinoiy ish qoʼzgʼatilib, hozirgi vaqtda 5 kishi ushlangan.

Jabrlanganlar va ushlanganlar orasida O‘zbekiston fuqarolari aniqlanmagan.

• Istanbul
• Tashqi ishlar vazirligi
• Turkiya
• yong‘in