Italiyaning Biyella shahrida yashovchi 50 yashar fuqaro vaksinatsiyadan qochish niyatida odamlarning xayoliga kelmagan ishni qildi: u emlash uchun hamshiraga yasama qo‘l tutqazdi.

Hamshira erkakning qo‘li tanasi va boshining terisi rangidan farqlanishini ko‘rgan, ammo qo‘li bilan teriga teggachgina gap nimada ekanligini anglagan.

Maxfiylik nuqtai-nazaridan nomi sir tutilayotgan erkak usti silikon "teri" bilan qoplangan korset kiygan bo‘lgan. Korsetga ikkita yasama qo‘l ham qistirilgan bo‘lgan.

Emlanishga qarshi bo‘lgan erkakka nisbatan firibgarlik bo‘yicha ish ochilgan. 

Qayd etilishicha, Italiyaning katta yoshli aholisining 13 foizi hali biron marotaba emlanmagan, oktyabr oyidan esa kasallanish hollari ko‘payishni boshlagan.

• Vaksina
• koronavirus