Bosh prokuratura huzuridagi Departamentning Fargʻona va Buxoro shahar boʻlimlari tomonidan tergovga qadar tekshiruv ishlari oʻtkazilgan.

Unda fuqaro M.X. fuqaro M.ning ishonchiga kirib, uni Koreya Respublikasiga ishga joʻnatish uchun vizasini tezlashtirib berish evaziga 2 ming AQSh dollarini olgan vaqtida ushlangan.

Qayd etilishicha, M.X. M.ning ukasi J.ni ham Koreya Respublikasiga ishga joʻnatish va viza hujjatlarini tezlashtirib berish evaziga 5 500 AQSh dollarini qoʻlga kiritgani aniqlangan.

Shuningdek, Departamentning Buxoro shahar boʻlimi tomonidan oʻtkazilgan tergovga qadar tekshiruvda, fuqarolar M.A. va Sh.A.lar fuqaro S. va boshqalarning ishonchiga kirib, Avstraliyaga sayyohlik vizasini tayyorlab berishni vaʼda qilib, jami 6 nafar fuqaroning 39 ming AQSh dollari va 26,4 mln. soʻmini qoʻlga kiritgani aniqlangan.

Maʼlum qilinishicha, hozirda mazkur holatlar yuzasidan OʻzRJKning 168-moddasi (firibgarlik) bilan jinoyat ishlari qoʻzgʻatilib, tergov harakatlari olib borilmoqda.

• Jinoyat