Janubiy Koreyada 70 yoshli taksi haydovchisi supermarket avtoturargohida boshqaruvni yo‘qotib, devorni yorib o‘tib, beshinchi qavatdan pastga qulab tushdi.

Taksi haydovchisi vafot etgan, 8 kishi jarohat olgan.

Voqea 2021-yil 30-dekabr kuni Janubiy Koreyaning Pusan shahrida soat 12:30lar atrofida sodir bo‘lgan.

Koreya axborot agentliklari xabariga ko‘ra, haydovchi Homeplus supermarketi avtoturargohida burilish vaqtida boshqaruvni yo‘qotgan va 5-qavatda “Chiqish” yozuvi bilan belgilangan devorga borib urilgan.

Taksi devorni buzib chiqib, mashinalar gavjum bo‘lgan pastdagi yo‘lga tushib ketgan. To‘qnashuvda taksi haydovchisi halok bo‘lgan, pastda esa sakkiz kishi jarohatlangan.

Xabarga ko‘ra, ayni vaqtda jarohatlanganlarning ahvoli yaxshi.

• Xorij
• YTH