Janubi-Sharqiy Osiyo davlatlari assotsiatsiyasi (ASEAN) tashqi ishlar vazirlari yig‘ilishida maxsus mehmon bo‘lib qatnashgan Rossiya tashqi ishlar vaziri Sergey Lavrov va AQSh davlat kotibi Marko Rubio o‘zaro uchrashuvda ikki mamlakat o‘rtasidagi konfliktni bartaraf etish uchun tinch yechimlarni izlash kerakligini aytib o'tdilar.

Marko Rubio rossiyalik hamkasbi bilan uchrashuvini kerakli va muhim deb ta’rifladi. “Reuters” axborot agentligi amerikalik diplomatning bayonotlariga tayanib yozishicha, AQSh prezidenti Donald Tramp Rossiyaning Ukrainaga nisbatan haligacha bir qarorga kelmaganligi va aniq pozitsiyasi yo‘qligidan noroziligini bildirdi.

Shuningdek, Qo‘shma Shtatlar Ukrainadagi mojaroni tugatish uchun mo‘ljallangan va barcha tomonlar uchun mos keladigan yo‘l xaritasini ko‘rishni istashini ta’kidladi.

• AQSh
• Muzokara
• Rossiya
• uchrashuv