Qirg‘iziston prezidenti O‘zbekistonga davlat tashrifi bilan keladi. Bu haqda 2024-yil 13-iyun kuni Qirg‘iziston-O‘zbekiston biznes-forumining ochilishida, Qirg‘iziston Respublikasi iqtisodiyot va tijorat vazirining o‘rinbosari Sanjar Bolotov ma’lum qildi.

“Yaqin kelajakda Qirg‘iziston Respublikasi prezidenti Sadir Japarovning O‘zbekistonga davlat tashrifi rejalashtirilgan. Ikki prezidentning bo‘lajak uchrashuvi qo‘shnichilik va o‘zaro manfaatli munosabatlarni rivojlantirish bo‘yicha umumiy irodani o‘zida mujassam etgan holda mamlakatlarimiz o‘rtasidagi do‘stona aloqalarni mustahkamlashda muhim lahza bo‘ladi”, – degan Bolotov.

“Prezidentlarimiz mamlakatlarimiz o‘rtasidagi tovar ayirboshlashni 2 mlrd.ga yetkazish vazifasini oldimizga qo‘ydilar. Bu ambitsiyali, ammo amalga oshiriladigan maqsad. Ushbu maqsadga erishish uchun biz birgalikda ishlashimiz, mavjud bo‘lgan barcha vositalar va mexanizmlardan foydalanishimiz kerak. Ishonchim komilki, birgalikdagi sa’y-harakatlar bilan biz nafaqat bu yutuqqa erisha olamiz, balki undan ham oshib ketamiz”, – degan vazir o‘rinbosari.

2023-yil yakunlariga ko‘ra, Qirg‘iziston Respublikasining O‘zbekiston bilan tovar aylanmasi 694,0 mln dollarni tashkil etdi. Bu esa 2022-yilga nisbatan 15,8 foizga oshgan. Shu jumladan eksport – 290,8 million dollarga, ya’ni 22,9 foizga, import 403,2 mln dollarga, 11,2 foizga o‘sgan.

• Qirg‘iziston
• Sadir Japarov
• Tashrif