Yashnobod tumanida IIV Tezkor qidiruv departamenti xodimlari tomonidan Vazirlik Jazoni ijro etish departamenti va Shaxsiy xavfsizlik bosh boshqarmasi bilan hamkorlikda tezkor tadbir o‘tkazildi.

Tezkor tadbir davomida 1976-yilda tug‘ilgan muqaddam sudlangan ikki nafar shaxs ushlangan. Ular Bo‘ka tumanidagi 43-sonli manzil koloniyasida jazo muddatini o‘tayotgan tanishi orqali ushbu manzil koloniyasidagi yana bir mahkumni Ohangaron yoki Olmaliq shahridagi manzil koloniyalaridan biriga o‘tkazib berishni va’da qilishgan. Ular ushbu “xizmatlari” evaziga 1 000 AQSh dollari miqdoridagi pullarni olgan vaqtida ashyoviy dalillar bilan ushlangan. Bu haqda IIV matbuot xizmati xabar bergan.

Shuningdek, hozirda mazkur holat yuzasidan jinoyat ishi qo‘zg‘atilgan.

• Jazo
• Jinoyat
• Mahkum