Ijtimoiy tarmoqlarda Zomin tumanida ayol farzandlari koʻz oʻngida kaltaklanib zoʻrlangani haqida xabar tarqaldi. Jizzax IIB holatga munosabat bildirdi.

Qayd etilishicha, Jizzax viloyati Zomin tumani “Peshagʻor” QFYda yashovchi uy bekasi, 2 nafar farzandning onasi B.Z. tuman IIBga murojaat qilgan.

Ushbu murojaatda keltirilishicha, joriy yilning 24-iyul kuni soat 02:45 larda ayolning yashash uyiga tumanning “Yoshlik” mahallasida istiqomat qiluvchi D.A. hamda uning mahalladoshi A.A. yotoqxona derazasi orqali kirishgan. Uni qoʻrqitib, yuzlariga bir necha marotaba urishgan.

Keyin, ayolni bolalarining oldida majburlab, zoʻrlab nomusiga tegishgan. Murojaatchi shu sababli ularga qonuniy chora koʻrishni soʻragan.

Xabarga ko‘ra, holat yuzasidan Zomin tumani IIB huzuridagi tergov boʻlimi tomonidan D.A. va A.A.larga nisbatan Oʻzbekiston Respublikasi jinoyat kodeksining 118- moddasi 2- qismi “v, g” bandlari bilan jinoyat ishi qoʻzgʻatilib, ehtiyot chorasi sifatida qamoqqa olingan.

• Jinoyat
• Jizzax
• Munosabat