Jizzaxda soxta diplom yasab sotayotgan shaxslar qo‘lga olindi.

Jizzax viloyati IIB Matbuot xizmati bergan ma’lumotga ko‘ra, Paxtakor tumani “Oqbuloq” MFYda yashovchi fuqaroga xaridor 400 AQSh dollarini berib, undan oldindan va’da qilingan diplomni olaayotgan vaqtda daliliy ashyolar bilan qo‘lga olindi.

Aniqlanishicha, sotuvchi diplomni o‘ziga oldindan tanish bo‘lgan Paxtakor tumanidagi o‘rta umumta’lim maktabi direktoridan 300 AQSh dollariga, u esa o‘z navbatida, shu hududdagi kasb-hunar maktabi direktori o‘rinbosari vazifasida ishlovchi shaxsdan 200 AQSh dollariga sotib olgan.

Olib borilgan tergovga qadar tekshiruv ishlari davomida Jizzax shahrining Zargarlik mahallasida yashovchi fuqaro qalbaki diplom va ilovalarni tayyorlab, unga muhr va imzolar bilan ishlov berganligi aniqlandi. Ushbu shaxsning yashash manzilidan kompyuter va printer qurilmasi hujjatlashtirib olindi.

Hozirda to‘plangan hujjatlar yuzasidan tergovga qadar tekshiruv ishlari olib borilmoqda.  

• Jinoyat
• Jizzax