Kecha, 21-iyun kuni soat 17:30 larda Jizzax viloyatining G‘allaorol tumanida sodir bo‘lgan yo‘l-transport hodisasi oqibatida yuk mashinasi saloniga qisilib qolgan haydovchi qutqarildi. Bu haqida viloyat FVB matbuot xizmati xabar berdi.
Qayd etilishicha, M39 Olmaota–Toshkent–Termiz xalqaro avtomobil yo‘lining Jizzax viloyati G‘allaorol tumani hududidan o‘tuvchi 1013-kilometrida harakatlanib ketayotgan DAF rusumli yuk avtomashinasining tormoz tizimi yo‘lning tik nishablik qismidan tushishda ishlamay qolgan. Oqibatda u oldindagi “Gaz-53” va Isuzu rusumli yuk avtomashinalariga urilib, yo‘l-transport hodisasi sodir etgan.
Natijada Isuzu haydovchisi avtomobil salonida qisilib qolgan. Voqea joyiga yetib kelgan viloyat FVB yong‘in-qutqaruv otryadi xodimlari tomonidan maxsus uskunalar yordamida haydovchi qutqarilib, tibbiyot xodimlariga topshirilgan.
Ta’kidlanishicha, hozirda haydovchining ahvoli yaxshi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!