Kelgusi yilgi prezidentlik saylovlarida Jo Baydenning eng yaqin ittifoqchilaridan biri bo‘lishi kerak bo‘lgan shtat va mahalliy demokratik liderlar uning immigratsiya bilan bog‘liq ishini qattiq tanqid qilmoqda. Prezident Baydenning 2024-yildagi respublikachi raqibi Donald Tramp immigratsiya jarayonlaridan foydalanib, o‘z tarafdorlarini ko‘paytirmoqda. Vaziyat bo‘yicha amaldagi prezidentni jamoatchilik qo‘llab-quvvatlashi yomonlashmoqda.

Saylovga hali bir yildan ko‘p vaqt bo‘lsa-da, o‘sib borayotgan immigratsiya inqirozi ta’siri AQSh-Meksika chegarasidan minglab mil uzoqlikda sezilmoqda. Chunki respublikachi gubernatorlar yangi kelgan muhojirlarni Demokratlar tomonidan boshqariladigan shaharlarga jo'natmoqda. Bu esa Jo Baydenning qayta saylanishiga siyosiy ta’sir ko‘rsatmasdan qolmayapti.

Payshanba kuni Bayden ma'muriyati keskin o‘sishni hal qilish uchun ikkita yangi qadamni e’lon qildi. Prezident AQSh-Meksika chegarasi bo‘ylab devorning qo‘shimcha qismlarini qurish uchun mablag‘ ajratdi. Prezident, shuningdek, AQSh Venesuela fuqarolarini to‘g‘ridan-to‘g‘ri deportatsiya qilishni qayta boshlashini aytdi.

Market universitetining ro‘yxatga olingan saylovchilari o‘rtasida o‘tkazilgan yangi so‘rovida respondentlardan immigratsiya va chegara xavfsizligi masalasida kim “yaxshiroq” ekanini, amaldagi prezidentmi yoki u almashtirgan odamni tanlash so‘ralgan. Natijaga ko‘ra, ro‘yxatga olinganlarning 52 foizi Trampni afzal ko‘rishini aytgan, atigi 28 foizi esa Jo Baydenni tanlagan.

Chegaradan kelayotgan bezovta qiluvchi yangiliklar, shuningdek, muhojirlar joylashayotgan AQShning yirik shaharlari tomonidan ko‘rilgan davlat xizmatlarining tangligi jamoatchilik fikrida sezilarli iz qoldirmoqda. Agar inqiroz 2024-yilgi umumiy saylov kampaniyasi ish boshlashidan oldin pasaymasa, prezident o‘zining respublikachi raqibi Donald Trampni noqulay siyosiy sharoitda qabul qilib oladi.

• AQSh
• Bayden
• Meksika
• Tramp
• Venesuela