Kecha, 30-noyabr kuni Nyu-York shahrida “Gotham Awards” taqdirlash marosimi boʻlib oʻtdi. Olamshumul mashhurlikka erishgan “Kalmar oʻyini” mukofotni “Eng yangi serial” sifatida qoʻlga kiritdi.

Serialdagi bosh rolni ijro etgan aktyor Li Jon Je “Serial yangiligi” yoʻnalishiga daʼvogarlik qilgan nomzodlar orasida boʻlgan, ammo mukofotni qoʻlga kirita olmagan.

Mukofot gʻoliblari roʻyxati bilan tanishing:

Eng yaxshi film – “Notanish qiz”

Rejissyorlar orasidagi yangilik – Meggi Jillenxol

Eng yaxshi stsenariy – Meggi Jillenxol (“Notanish qiz”)

Eng yaxshi bosh rol – Oliviya Kolman (“Notanish qiz”)

Eng yaxshi serial – “Kalmar oʻyini”

Aktyorlar orasidagi yangilik – Emiliya Jons

Eng yaxshi xorijiy loyiha – “Mashinamni boshqar”

Eslatib oʻtamiz, “Gotham Awards” 1991-yildan buyon har yili yirik kinokompaniyalar homiyligidan mustaqil ravishda yaratilgan filmlarga topshirib kelinadi.

• Kino
• San’at