Kanadaning Vankuver shahridagi Filippin festivalida mashina olomonni bosib ketdi. Mahalliy politsiya ma’lumotlariga ko‘ra, halok bo‘lganlar va jabrlanganlar bor.

Shahar politsiyasi tomonidan e’lon qilingan xabarda aytilishicha, baxtsiz hodisa oqibatida bir necha kishi halok bo‘lgan. Shuningdek, ko‘plab yaradorlar bor. Jabrlanganlarga mahalliy aholi va voqea joyiga kelgan qutqaruvchilar birinchi yordam ko‘rsatdilar.

Mahalliy hokimiyat ma’lumotlariga ko‘ra, festival ishtirokchilari an’anaviy Filippin bayrami bo‘lgan Lapu-Lapu kunini nishonlashgan. 

“Avtomobil haydovchisi hibsga olingan. Voqea tafsilotlari aniqlanmoqda” – deyiladi xabarda.

• Avtohalokat
• Festival
• Kanada